កំពូលភ្នំលោកតាក្រហមក ជាតំបន់ទេសចរណ៍មួយយ៉ាងប្រណីតសម្រាប់អ្នកចូលចិត្តឡើងភ្នំ
ពោធិ៍សាត់៖ កំពូលភ្នំលោកតាក្រហមក ស្ថិតនៅក្នុងសហគមន៍រាំងខ្វាវ ខេត្តពោធិ៍សាត់ មានកម្ពស់រហូតដល់ ១៣០០មែត្រ មានទេសភាពដ៏ស្រស់ត្រកាល ដែលភ្ញៀវទេសចរមិនគួរមើលរំលង។ នាកំពូលភ្នំលោកតាក្រហមក ភ្ញៀវទេសចរអាចគយគន់ទេសភាពថ្ងៃលិចយ៉ាងស្រស់ស្អាត។
តំបន់សហគមន៍រាំងខ្វាវ ដែលស្ថិតនៅឃុំសន្ទ្រែ ស្រុកភ្នំក្រវាញ ខេត្តពោធិ៍សាត់ មានកន្លែងកម្សាន្តដូចជា កំពូលភ្នំលោកតាក្រហមក, អណ្ដូងត្រាំស្បែកគង់ និងទឹកហូរស្ទឹងសេនាធិការ។ ភ្ញៀវទេសចរ ដែលមានបំណងទៅលេងភ្នំលោកតាក្រហមក ត្រូវចំណាយពេល១យប់២ថ្ងៃ ដោយអាចធ្វើដំណើរបានបីផ្លូវ ផ្លូវទី១ គឺចូលតាមតំណក់(ច្រកល្អៀង) ដែលមានចម្ងាយប្រមាណ៣០គីឡូម៉ែត្រ។ ចំណែកផ្លូវទី២ តាមស្រុកភ្នំក្រវាញដែលមានចម្ងាយប្រហែល ៤៧គីឡូម៉ែត្រ និងផ្លូវទី៣ អ្នកដំណើរអាចចូលតាមក្លោងទ្វាវត្តកណ្តាល ដែលស្ថិតនៅទីរួមស្រុកក្រវាញ កាត់តាមភូមិមុល មានប្រវែង៣៧គីឡួម៉ែត្រ។
ដើម្បីធ្វើដំណើរឡើងទៅលើភ្នំលោកតាក្រហមក លោក-អ្នក ត្រូវឆ្លងកាត់ដំណាក់កាល២ គឺដំណាក់ទី១ មានទឹកហូរដ៏ធ្លាឆ្វង់សម្រាប់ងូតសម្អាតកាយ និងអាចលេងកម្សាន្តបាន។ រីឯដំណាក់ទី២ គឺកំពូលភ្នំលោកតាក្រហមកតែម្ដង ជាកន្លែងដែលអាចឲ្យអ្នកទេសចរណ៍ មើលព្រៃព្រឹក្សា ទេសភាពជុំវិញភ្នំដែលមានធម្មជាតិយ៉ាងស្រស់ត្រកាល ជាពិសេសអាចគយគន់ថ្ងៃលិចពណ៌មាសនៅលើកំពូលភ្នំបានយ៉ាងស្រស់ស្អាត។ នេះបើតាមទំព័រហ្វេសប៊ុកមន្ទីរបរិស្ថានខេត្តពោធិ៍សាត់។
សូមបញ្ជាក់ថា សហគមន៍រាំងខ្វាវបង្កើតឡើងនៅឆ្នាំ២០១៤ និងទទួលស្គាល់ដោយក្រសួងបរិស្ថានឆ្នាំ២០១៧ ដែលមានផ្ទៃដី៧៧៦ហិកតា។ សហគមន៍នេះ មានពលរដ្ឋ ២៧៧គ្រួសាររស់នៅដែលភាគច្រើនជាជនជាតិដើមភាគតិចសួយ៕
តំបន់សហគមន៍រាំងខ្វាវ ដែលស្ថិតនៅឃុំសន្ទ្រែ ស្រុកភ្នំក្រវាញ ខេត្តពោធិ៍សាត់ មានកន្លែងកម្សាន្តដូចជា កំពូលភ្នំលោកតាក្រហមក, អណ្ដូងត្រាំស្បែកគង់ និងទឹកហូរស្ទឹងសេនាធិការ។ ភ្ញៀវទេសចរ ដែលមានបំណងទៅលេងភ្នំលោកតាក្រហមក ត្រូវចំណាយពេល១យប់២ថ្ងៃ ដោយអាចធ្វើដំណើរបានបីផ្លូវ ផ្លូវទី១ គឺចូលតាមតំណក់(ច្រកល្អៀង) ដែលមានចម្ងាយប្រមាណ៣០គីឡូម៉ែត្រ។ ចំណែកផ្លូវទី២ តាមស្រុកភ្នំក្រវាញដែលមានចម្ងាយប្រហែល ៤៧គីឡូម៉ែត្រ និងផ្លូវទី៣ អ្នកដំណើរអាចចូលតាមក្លោងទ្វាវត្តកណ្តាល ដែលស្ថិតនៅទីរួមស្រុកក្រវាញ កាត់តាមភូមិមុល មានប្រវែង៣៧គីឡួម៉ែត្រ។
ដើម្បីធ្វើដំណើរឡើងទៅលើភ្នំលោកតាក្រហមក លោក-អ្នក ត្រូវឆ្លងកាត់ដំណាក់កាល២ គឺដំណាក់ទី១ មានទឹកហូរដ៏ធ្លាឆ្វង់សម្រាប់ងូតសម្អាតកាយ និងអាចលេងកម្សាន្តបាន។ រីឯដំណាក់ទី២ គឺកំពូលភ្នំលោកតាក្រហមកតែម្ដង ជាកន្លែងដែលអាចឲ្យអ្នកទេសចរណ៍ មើលព្រៃព្រឹក្សា ទេសភាពជុំវិញភ្នំដែលមានធម្មជាតិយ៉ាងស្រស់ត្រកាល ជាពិសេសអាចគយគន់ថ្ងៃលិចពណ៌មាសនៅលើកំពូលភ្នំបានយ៉ាងស្រស់ស្អាត។ នេះបើតាមទំព័រហ្វេសប៊ុកមន្ទីរបរិស្ថានខេត្តពោធិ៍សាត់។
សូមបញ្ជាក់ថា សហគមន៍រាំងខ្វាវបង្កើតឡើងនៅឆ្នាំ២០១៤ និងទទួលស្គាល់ដោយក្រសួងបរិស្ថានឆ្នាំ២០១៧ ដែលមានផ្ទៃដី៧៧៦ហិកតា។ សហគមន៍នេះ មានពលរដ្ឋ ២៧៧គ្រួសាររស់នៅដែលភាគច្រើនជាជនជាតិដើមភាគតិចសួយ៕
Post a Comment