គោរពទង់ជាតិ និងការផ្សព្វផ្សាយជម្ងឺឆ្ល ងណែនាំឲ្យលោកគ្រូអ្នកគ្រូសិស្សានុសិស្ស ពាក់ម៉ាស់ការពារឲ្យបានគ្រប់ៗគ្នា
វីរុស ផ្លូវដង្ហើមប្រភេទថ្មី កូរ៉ូណា
បាននិងកំពុងឆ្លងទៅកាន់មនុស្សជាច្រើនពាន់នាក់នៅតាមបណ្តារប្រទេសមួយចំនួន
ដែលមានប្រភពចេញទីក្រុងវូហាន នៃខេត្តហឺប៉ី ភាគកណ្តាលប្រទេសចិន ដែល វីរុសថ្មីមួយនេះ
បាននិងកំពុងតែបង្ក ជាក្តីបារម្ភយ៉ាងខ្លាំងដល់ពិភពលោកទាំងមូល។ វូហាន
គឺជាទីក្រុងធំមួយក្នុងខេត្ត ហ៊ូប៉ី ដែលមានប្រជាជនសរុបជាង ១០លាននាក់ឯណោះ
ហើយអាជ្ញាធរបានចេញបម្រាមបិទទីក្រុង និងខេត្តនេះទាំងមូលហើយ
ដោយមិនអាចមានការធ្វើដំណើរចេញចូលដោយសេរីទៀតឡើយ។
សូមជម្រាបថា គិតមកដល់ព្រឹកថ្ងៃច័ន្ទ ទី២៧ ខែមករា ឆ្នាំ២០២០នេះ មានមនុស្សចំនួន ៨០នាក់ហើយ ដែលបាន ស្លាប់បាត់បង់ជីវិត និងចំនួនអ្នកឆ្លងទូទាំងពិភពលោកមានចំនួន ២៧៦១ ករណី ដែលរួមមានប្រទេសដូចជា៖ ចិន ហុងកុង ថៃ បារាំង ម៉ាឡេស៊ី សឹង្ហបុរី តៃវ៉ាន់ ម៉ាកាវ ជប៉ុន កូរ៉េខាងត្បូង សហរដ្ឋអាមេរិក វៀតណាម អូស្ត្រាលី ណេប៉ាល់ កាណាដា។
ដើម្បីទប់ស្កាត់ជំងឺឆ្លងដ៏កាចសាហាវនេះ
ក្រសួងសុខាភិបាលកម្ពុជា បានបំពាក់ម៉ាស៊ីនស្គែន (Scan) រកមេរោគ
ប្រចាំការ ២៤ម៉ោង ដើម្បីស្គែនគ្រប់ភ្ញៀវទេសចរទាំងអស់ដែលចូលមកកម្ពុជា។
សូមបងប្អូនប្រជាពលរដ្ឋមានការប្រុងប្រយ័ត្នខ្ពស់ ជាពិសេសក្នុងពេលធ្វើដំណើរទៅក្រៅប្រទេស
និងក្នុងប្រទេសដែលកំពុងមានមេរោគ កូរ៉ូណា ឆ្លង ។
ចំពោះអាការៈនៃរោគសញ្ញានេះគឺមាន
ផ្តាសាយ ហៀរសំបោរ ក្អក ឈឺក្បាល ក្តៅខ្លួនខុសប្លែកខុសពីធម្មតា។ បងប្អូនអាចប្រើម៉ាសពាក់ការពារច្រមុះ
និងលាងដៃសម្អាតជាមួយសាប៊ូ ឬអាល់កុលសម្លាប់មេរោគអោយបានញឹកញាប់។
កុំនៅក្បែរអ្នកដែលមានអាការៈរោគខាងលើ និងកុំនៅជិតសត្វពាហានៈ ឬកសិដ្ឋានចិញ្ចឹមសត្វ។
ត្រូវញាំម្ហូបអាហារដែលចម្អិនឆ្អិនគ្រប់ពេលវេលា។ មកទល់ពេលនេះ វីរុសកូរ៉ូណា
មិនទាន់ឆ្លងមកដល់ប្រទេសកម្ពុជាទេ។
ទន្ទឹមនឹងនេះដែរ
នាព្រឹកថ្ងៃទី២៧ ខែមករា ឆ្នាំ២០២០ យើងសង្កេតឃើញថា នៅតាមសាលារៀនមួយចំនួន
ក្នុងប្រទេសកម្ពុជា បាននិងកំពុងត្រៀមខ្លួនការពារដោយបាននាំគ្នាពាក់ម៉ាសដើម្បីបញ្ចៀសនូវជំងឺឆ្លងដ៏កាចសាហាវនេះ
វីរុស ផ្លូវដង្ហើមថ្មី កូរ៉ូណា។ ក្នុងនោះដែរ បើយោងតាមរយៈគណនីហ្វេសប៊ុកមួយមានឈ្មោះ Ratanak
Pisith Pisith បានសរសេរប្រាប់ឱ្យដឹងថា៖”គោរពទង់ជាតិថ្ងៃច័ន្ទ
និងការផ្សព្វផ្សាយជម្ងឺឆ្ល
ងណែនាំឲ្យលោកគ្រូអ្នកគ្រូសិស្សានុសិស្សពាក់ម៉ាស់ការរពាឲ្យបានគ្រប់ៗគ្នា27/01/2020”៕
Post a Comment