ទាញយកឯកសារការគ្រប់គ្រងសាលារៀនផ្អែកលើលទ្ធផល ឯកសារប្រតិបត្តិ ស្វ័យវាយតម្លៃសាលារៀនសម្រាប់បឋមសិក្សា សូមចុចលើរូបខាងក្រោម

ឯកសារប្រតិបត្តិស្ដីពីស្វ័យវាយតម្លៃសាលារៀន មានគោលបំណងសម្រាប់ជួយនាយកសាលារៀន ដឹកនាំសកម្មភាពស្វ័យវាយតម្លៃសាលារៀនជាប្រចាំ ដើម្បីស្វែងយល់ពីចំណុចជោគជ័យ និងកំណត់ពីស្ថានភាពដែលសាលារៀនត្រូវកែលម្អ ។ សកម្មភាពនេះនឹងមានការចូលរួមពីសំណាក់ក្រុមប្រឹក្សាកុមារ គ្រូបង្រៀន អាជ្ញាធរដែនដី និងអ្នកពាក់ព័ន្ធ។ លទ្ធផលស្វ័យវាយតម្លៃសាលារៀន នឹងប្រើសម្រាប់ធ្វើផែនការអភិវឌ្ឍសាលារៀនដោយមានការចូលរួមពីគ្រប់សមាសភាពអ្នកពាក់ព័ន្ធក្នុងសាលារៀន ក្នុងមូលដ្ឋានភូមិ ឃុំ ដើម្បីដោះស្រាយបញ្ហាឲ្យស្របទៅនឹងតម្រូវការដែលមូលដ្ឋានអាចជួយបានសម្រាប់ការរៀនសូត្ររបស់កុមារ ។

ដូច្នេះឯកសារស្វ័យវាយតម្លៃសាលារៀន មិនមែនស្វែងរកការខ្វះខាត និងកំហុសរបស់អ្នកអនុវត្ត ដើម្បីធ្វើការស្ដីបន្ទោសនោះទេ តែវាជារបៀបជួយតាមបែបវិជ្ជាជីវៈរបស់អ្នកគ្រប់គ្រងនៅមូលដ្ឋាន នូវកម្រិតចំណេះដឹងក្នុងការធ្វើការងារ និងការលំបាករបស់អ្នកអនុវត្តក្នុងពេលបំពេញភារកិច្ចប្រចាំថ្ងៃដោយសារកត្តាផ្សេងៗ ។

ឯកសារនេះ ជាមធ្យោបាយដ៏សំខាន់បំផុតជួយដល់ថ្នាក់ដឹកនាំសាលារៀន ក្នុងការធ្វើផែនការអភិវឌ្ឍសាលារៀន ដើម្បីធានាបាននូវការឆ្លើយតបទាន់ពេលពីតម្រូវការ បញ្ហារបស់នាយកសាលារៀន លោកគ្រូ អ្នកគ្រូ សិស្សានុសិស្ស គណៈកម្មការសាលារៀន និងសហគមន៍ ជាពិសេសបានចូលរួមចំណែកយ៉ាងខ្លាំងនៃសកម្មភាពភាពរៀន និងបង្រៀននៅតាមថ្នាក់ និងសាលារៀន ។ ម្យ៉ាងវិញទៀត វាក៏បានបង្ហាញពីកម្រិតអភិវឌ្ឍន៍សាលារៀនតាមផ្នែកនីមួយៗ នៃឧបករណ៍ផលជះកម្មវិធីសាលាកុមារមេត្រី និងជាមធ្យោបាយក្នុងការពន្លឿនដើម្បីសម្រេចគោលដៅនៃការអប់រំជាតិ ។

ទាញយកឯកសារការគ្រប់គ្រងសាលារៀនផ្អែកលើលទ្ធផល ឯកសារប្រតិបត្តិ ស្វ័យវាយតម្លៃសាលារៀនសម្រាប់បឋមសិក្សា សូមចុចត្រង់នេះ